Qozog‘iston O‘zbekiston bilan chegarasini 11 apreldan ochadi
Chegaradan o‘tishda PZR-test manfiy chiqqani yoki koronavirusga qarshi to‘liq emlanganlik to‘g‘risidagi sertifikatni ko‘rsatish talab qilinadi.
Qozog‘istonda epidemiologik vaziyat barqarorlashgani tufayli mamlakat chegarasini kesib o‘tish bilan bog‘liq joriy etilgan cheklovlar olib tashlanadi. Bu haqda Qozog‘iston bosh vaziri matbuot xizmati xabar qildi.
Xabarda aytilishicha, 11 apreldan boshlab Qozog‘istonning O‘zbekiston, Qirg‘iziston va Rossiya bilan quruqlikdagi chegara o‘tkazuv punktlarida fuqarolarning chegarani kesib o‘tishiga nisbatan kiritilgan cheklovlar olib tashlanadi.
Shuningdek, Qozog‘istonga aviaqatnovlar orqali kirishga qo‘yilgan barcha cheklovlar bekor qilinadi.
Shu bilan birga, chegaradan o‘tishda PZR-test manfiy chiqqani yoki koronavirusga qarshi to‘liq emlanganlik to‘g‘risidagi sertifikatni ko‘rsatish talabi saqlab qolinadi.
Mavzuga oid
19:53 / 16.09.2024
O‘zbekiston AQSh bilan bojxona sohasidagi hamkorlikka oid bitimni imzoladi
14:40 / 16.09.2024
Germaniya chegaralarida umumiy tanlangan nazorat joriy etilyapti
22:31 / 12.09.2024
Vengriya Yevrokomissiyaga qarshi da’vo arizasini kiritishi mumkin
09:40 / 10.09.2024