Markaziy saylov komissiyasining majlisida O‘zbekiston Respublikasi prezidentligiga nomzodlarning saylovoldi tashviqotini o‘tkazish masalasi muhokama etildi.
O‘zA xabariga ko‘ra, prezidentlikka nomzodlarning saylovoldi tashviqoti 2023 yil 7 iyundan boshlanishi qayd etilib, qaror qabul qilindi.
Bundan tashqari, O‘zbekiston prezidentligiga ko‘rsatilgan nomzodlar ro‘yxatga olindi.
Majlisda:
— Xalq demokratik partiyasidan Ulug‘bek Inoyatovni;
— Tadbirkorlar va ishbilarmonlar harakati – O‘zbekiston liberal-demokratik partiyasidan Shavkat Mirziyoyevni;
— O‘zbekiston “Adolat” sotsial-demokratik partiyasidan Robaxon Mahmudovani;
— O‘zbekiston Ekologik partiyasidan Abdushukur Hamzayevni, O‘zbekiston prezidentligiga nomzod etib ro‘yxatga olish to‘g‘risidagi qaror qabul qilindi.