Toshkentda yashovchi doimiy aholi soni 3 milliondan oshdi

2023 yil 1 oktyabr holatiga Toshkent shahrida yashovchi doimiy aholi soni 3 mln 20,5 ming kishini tashkil etgan.

Statistika agentligi ma’lumotlariga ko‘ra, shundan erkaklar - 1,4 mln kishini, ayollar - 1,5 mln kishini tashkil etgan. 

Poytaxt aholisi soni ilk bor 1960 yilda 1 million, 1985 yilda 2 million, hozirgi kunga kelib 3 milliondan oshdi.

Bundan oldin Toshkentda aholisi soni eng ko‘p tuman ma’lum qilingandi.

Shahar hududlari kesimida tahlillar shuni ko‘rsatganki, eng ko‘p aholi soni Olmazor tumanida bo‘lib, 395 ming kishini tashkil etgan.