Мактаб 6 ёшдан: Ўзбекистонда 12 йиллик умумий таълим тизимига ўтилади

Ўзбекистонда 12 йиллик умумий таълим жорий этилади. Бу ҳақда мактабгача ва мактаб таълими вазири ўринбосари Сардор Ражабов маълум қилди.

Фото: Kun.uz

12 йиллик таълимга ўтиш халқаро стандартлар билан боғлиқ: 2022 йилги PISA маълумотларига кўра, юқори натижаларга эришган мамлакатларнинг 85 фоизи 12 йиллик мактаб таълимига эга.

Олти ёшли болалар учун мактабга тайёргарлик йили энди бошланғич таълимга киритилади. Мамлакатда 3,6 мингта мактаб ва 1 мингдан ортиқ давлат боғчалари ташкил этилади, уларда болалар янги тайёргарлик дастуридан ўтади.

12 йиллик таълим тизими уч босқичдан иборат бўлади:

1 йил тайёргарлик ва 4 йил бошланғич мактаб;
5 йиллик асосий умумий ўрта таълим (5–9-синфлар);
мактаблар, академик лицейлар, ҳарбий билим юртлари ва техникумларда 2 йиллик тўлиқ умумий ўрта таълим.

Янгилик мавжуд муаммоларни тизимли ҳал этиш, ўқув дастурларини халқаро стандартларга мувофиқлигини ошириш ва ўқувчиларни кейинги таълимга тайёрлашни яхшилаш имконини беради.

Тайёрлаган: Отабек Матназаров

#умумий таълим #мактаб