Ҳолливуд актёрлари Ева Мендес ва Райан Гослинг оиласида иккинчи қиз дунёга келди. Бу ҳақда People хабар қилди.
Маълумотларга кўра, қизалоқ 29 апрель куни Санта-Моникада (Калифорния, АҚШ) туғилган. Уни Амада Ли Гослинг деб аташди.
Актёрларнинг биринчи қизининг исми Эсмеральда Амада. 2014 йилда Мендес Амада – бувисининг исми эканини айтганди.
Актёрларнинг вакиллари воқеага изоҳ беришмади.
Мендес ва Гослинг 2011 йилдан буён учрашишни бошлаганди. Улар “Қарағай остидаги жой” фильмини суратга олиш вақтида танишиб қолишган.
