Олий Рада спикери Россия танкларини Прагага ўтказмасликка ваъда берди

Украина Олий Радаси спикери Андрей Парубийнинг баёнот беришича, Украина Европани Россиянинг қуролланган агрессиясидан ҳимоя қилади, деб хабар қилмоқда Укринформ. 

«Биз Россия танклари бошқа ҳеч қачон Прагага қайтмаслиги учун барча ишни қиламиз, бироқ бунинг учун бизни бутун цивилизациялашган дунё қўллаб-қувватлаши керак», — деган Парубий.

Унинг қўшимча қилишича, Марказий Европадаги вазият тубдан ўзгармоқда. Спикернинг таъкидлашича, ушбу мамлакатлардаги юқори лавозимли россиялик жосуслар ўз таъсирини йўқотмоқда.