АҚШнинг янги президенти Обаманинг твиттеридаги 11 миллион фолловерни "қўлга киритади"

АҚШнинг янги президенти ҳозирги давлат раҳбари Барак Обаманинг твиттердаги 11 миллион фолловерини "қўлга киритади". Бу ҳақида Оқ уйнинг расмий сайтида маълум қилинди. 

2017 йилнинг 20 январидан @POTUS аккаунти Американинг 45-президенти номидан юритилади. Обаманинг барча твитлари унинг янги расмий @POTUS44 микроблогига кўчирилади. 

Оқ уй сайтида таъкидланишича, Обама – ижтимоий тармоқларда фаоллик қилган илк президент. У @POTUS твиттерига эга биринчи АҚШ президенти бўлди. 

Барак Обама биринчи бўлиб Facebook'да трансляциялар олиб борди ва YouTube'да фуқароларнинг саволларига жавоб беришни йўлга қўйди. 

Обаманинг инстаграм ва фейсбукида чоп этилган контентлар қуйидаги ҳаволаларда кузатилади:
instagram.com/ObamaWhiteHouse facebook.com/ObamaWhiteHouse.