Куни кеча футбол стадиони ёнида яна бир портлаш рўй берди – бу сафар Истанбулда. Қуйида шундай фожиали ҳолатларнинг бир нечтасини келтириб ўтамиз.
Украина
«Шахтёр» – «Таврия»
1995 йил 20 октябрь
Украинада 1995 йили «Шахтёр» — «Таврия» учрашуви вақтида меҳмонлар киришига мўлжалланган ўтиш йўлагида портлаш рўй берган. Бунинг оқибатида олти нафар маҳаллий жиноий гуруҳ аъзолари ҳалок бўлди. Аниқланишича, теракт маҳаллий мафиянинг ўзаро кураши натижасида уюштирилган бўлиб, у аниқ шахсларга қарши қаратилган бўлган. Портловчи модда қолдиқлари тоннелнинг ҳаво алиштириш люкида топилди. Томошабинлар ва футболчилардан ҳеч ким жабрланмаган.
Ироқ
Ўртоқлик учрашуви
2013 йил 30 июнь
Ироқдаги нотинч вазият 2013 йилнинг ёзида стадионларга ҳам ўз таъсирини ўтказди. Икки ўйингоҳда турли кунлар давомида иккита портлаш рўй берган. Биринчисида етти инсон жароҳат олган бўлса, иккинчи теракт футбол мактабларининг болалар жамоалари ўртасидаги ўртоқлик учрашуви вақтида рўй берди. Бунинг оқибатида 20 дан зиёд ўсмир қурбон бўлган.
Нигерия
«Муби» — «Олимпик»
2014 йил 1 июнь
“Боко Харам” радикал гуруҳи ўтган йилнинг ёзида Нигерияга терактлар билан очиқдан-очиқ таҳдид қилган. Шу муносабат билан мамлакатда фавқулодда вазият режими киритилди. Бироқ хавфсизлик чоралари «Муби» маҳаллий клубининг ўйинчи ва томошабинларини асраб қола олмади. Мамлакат чемпионати учрашуви вақтида рўй берган портлаш оқибатида 40 дан ортиқ киши ҳалок бўлди.
Хитой
