iPhone 6S қурилмаси портлаган ҳолат қайд этилди

Бир неча ҳафта илгари Apple компанияси iPhone 6S смартфонининг янги партияларидан бирида нуқсонли деталларнинг мавжудлигини тан олганди. 

Phone Arena нашри ўқувчиси таҳририятга портлаган iPhone 6S қурилмасининг суратларини йўллади. Маълум бўлишича, қурилма заряддан олиниши билан портлаб кетган. 

Телефон эгаси iPhone'дан зарядлаш симини чиқариши биланоқ ундан қуюқ тутун чиқиб кетган ва "олма" девайси соҳиби уни полга ташлаб юборган. 

Истеъмолчи бу масалада компания устидан судга мурожаат қилиш ё қилмаслик режаси ҳақида хабар бермаган. Шунингдек воқеа натижасида унга зарар етганлигига оид маълумот ҳам йўқ.