Тошкент-Киев йўналиши бўйича авиақатновлар қайта йўлга қўйилиши мумкин

Фото: Google image

Ўзбекистон ва Украина ҳукуматлари 2017 йил бошида икки томон ўртасида Тошкент-Киев-Тошкент доимий авиақатновини қайта тиклаш имкониятини муҳокама қилишни режалаштиришмоқда. Бу ҳақда, Ўзбекистон Республикасининг Украинадаги элчихонаси матбуот хизмати хабар қилган.

Маълумотларга кўра, Ўзбекистон ва Украинанинг авиация соҳаси раҳбарлари мазкур масала бўйича Тошкент шаҳрида музокаралар ўтказиши кутилмоқда.

Эслатиб ўтамиз, Тошкент-Киев-Тошкент авиақатнови 2015 йил май ойидан амалга оширилмайди.