Фотожамланма: 2016 йилнинг энг муҳим воқеалари

АҚШ президенти Барак Обама ва унинг оиласи бортида бўлган самолёт Куба пойтахти – Ҳавана устидан учиб ўтмоқда. Бу АҚШ раҳбарининг мамлакатга сўнгги 88 йилдаги биринчи расмий ташрифидир. 20 март.

Суриялик кўнгиллилар ва қутқарувчилар Ҳалабдаги вайрон бўлган бинодан болани олиб чиқишмоқда. 28 апрель.

Шарқий Украинадаги сайловларга қарши норозилик намойиши. 20 май.

Ливия қирғоқларида муҳожирлар бўлган ҳамда ағдарилиб кетган кема чўкмоқда. 25 май.

Ўзбек халқи ўзининг атоқли фарзанди, жамоат ва давлат арбоби, шоир ва драматург Эркин Воҳидовдан айрилди. 2016 йил 30 май.   

ИШИД жангариларидан озод қилинган аёл ниқобини ечмоқда. Манбиж, Сурия, 9 июнь.

АҚШнинг Луисвилл шаҳрида боксчи Муҳаммад Али билан видолашув. АҚШ. 10 июнь.

Лондонда гвардиячи аскар қиролича Елизаветанинг таваллуд кунига бағишланган ҳар йилги маросимда ҳушидан кетиб қолди. Қиролича эса 90 ёшга кирди. 11 июнь.

Далласдаги тартибсизликлар. Бу ерда 8 июлга ўтар кечаси беш нафар полициячи отиб ўлдирилди.

Йешиа Эванс афроамерикалик Алтон Стерлинг полициячи томонидан отиб ўлдирилгандан сўнг норозилик акциясида. Батон Руж, Луизиана штати, 9 июль.

Париждаги Эйфель минораси ёнида ўрнатилган катта экранда футбол бўйича Европа чемпионатининг Португалия ва Франция ўртасидаги финал учрашуви трансляция қилинмоқда. 10 июль.

Дэвид Кэмерон Буюк Британиянинг Европа Иттифоқидан ажралиб чиқиши ҳақидаги референдум натижалари эълон қилингач, оиласи билан Даунинг-стритдаги қароргоҳни тарк этмоқда. 13 июль.

Туркия президенти Режеп Тоййиб Эрдўған ҳарбий тўнтаришга уриниш вақтида ҳалок бўлган кишиларнинг дафн маросимидан сўнг. 17 июль.

Кишилар Ницца соҳилида рўй берган теракт қурбонларини ёдга олиш учун йиғилишди. Бу ерда юк машинаси ҳайдовчиси 14 июль куни Бастилия эгалланган кун муносабати билан уюштирилган мушакбозликни кўриш учун йиғилган кишиларга бориб урилди. 17 июль.

АҚШ президенти Барак Обама Демократик партиядан президентликка номзод Ҳиллари Клинтон билан. Филадельфиядаги Демократик партия қурултойида. 27 июль.

Фотосуратчи Пальмирадаги Баал ибодатхонаси тасвирланган ўз суратини ИШИД жангарилари томонидан 2015 йилда бузиб ташланган вайроналар фонида ушлаб турибди.

Фавелада яшовчилар Олимпия ўйинларининг очилиш маросимини кузатишмоқда. «Маракана», Рио-де-Жанейро. 5 август.

Италиянинг Аматриче шаҳри фуқаролари кучли зилзила қурбонларини вайроналар тагидан излашмоқда. 24 август.

Ўзбекистон Миллий Олимпия ва Паралимпия терма жамоалари Рио-2016 Олимпиада ва Паралимпиада мусобақаларида муваффақиятли қатнашиб, миллий рекорд ўрнатишди. 2016 йил, август-сентябрь ойлари.

2016 йил 2 сентябрь куни мустақил Ўзбекистон Республикаси фуқаролари яна бир оғир мусибатга учради. Шу куни Ўзбекистон Республикасининг Биринчи Президенти Ислом Каримов оламдан ўтди. У 2016 йил 3 сентябрда Самарқанд шаҳрида дафн этилди.

Парасноубордчи Эми Пурди Паралимпия ўйинларининг очилиш маросимида. «Маракана», Рио-де-Жанейро. 7 сентябрь.

Франциядаги меҳнат ислоҳотига қарши норозилик намойиши иштирокчиси светофорда ўтирибди. Нант, 15 сентябрь.

Таиланд қироли Пхумипон Адульядетнинг суратини кўтариб олган аёл монарх ўлимидан қайғуда. 14 октябрь.

Ўзбекистон Республикаси мадҳиясининг муаллифи, атоқли жамоат ва давлат арбоби, шоир Абдулла Орипов 2016 йил 5 ноябрда АҚШнинг Хьюстон шаҳрида вафот этди. Дафн маросими Тошкент шаҳрида бўлиб ўтди. 

АҚШ раҳбари Барак Обама ва мамлакатнинг сайланган президенти Дональд Трамп Оқ уйдаги суҳбатдан сўнг. 10 ноябрь.

Нью-Йоркдаги Трамп-тауэр биноси қаршисида АҚШнинг сайланган президенти Дональд Трампга қарши норозилик намойиши. 12 ноябрь.

Куба ҳарбий хизматчилари давлатнинг собиқ етакчиси Фидель Кастронинг жасад кули солинган урна Санта-Клара кўчаларидан олиб ўтилгандан сўнг. 1 декабрь.

2016 йил 4 декабрь. Ўзбекистон Республикаси президентлиги учун ошкора ва демократик тамойиллар, халқаро ҳуқуқ меъёрларига риоя қилинган ҳолда президентлик сайлови бўлиб ўтди. 

2016 йил 14 декабрь куни Ўзбекистоннинг янги сайланган Президенти Шавкат Мирзиёев Олий Мажлис палаталарининг қўшма мажлисида тантанали равишда қасамёд қилиб, ўз лавозимини бажаришга киришди.

Россиянинг Туркиядаги элчиси Андрей Карловни отиб ўлдирган Мерт Олтинтош. 19 декабрь.