ОАВ: Туркия темир йўлида портлаш рўй берди

Туркиянинг Диёрбакир вилоятидаги темир йўллардан бирида портлаш юз берди. Бунга темир йўлга ўрнатилган бомбанинг ҳаракатга келгани сабаб бўлган, деб хабар қилмоқда HaberTurk телеканали.

Маълумотларга кўра, портлаш юк поезди ўтаётган вақтда содир бўлган. Ҳодиса оқибатида ҳеч ким жабрланмагани айтилмоқда. Қурбонлар ҳам йўқ. 

Шу билан бирга, портлаш 10 вагоннинг ағдарилиб кетишига олиб келган. 

Хабар қилинишича, бомба Сур туманидаги Карпузлу қишлоғи яқинидан ўтувчи темир йўл остига ўрнатилган бўлган.