Бухоро вилояти прокуратурасига янги раҳбар тайинланди. Бу ҳақда Ўзбекистон Республикаси Бош прокуратураси матбуот хизмати хабар берди.
“Ўзбекистон Республикаси Бош прокурорининг 2017 йил 15 мартдаги буйруғига мувофиқ 3-даражали Давлат адлия маслаҳатчиси Валиев Баҳриддин Баҳодирович Ўзбекистон Республикаси Конституцияси ва “Прокуратура тўғрисида”ги Қонунига асосан Бухоро вилояти прокурори этиб 5 йил муддатга тайинланди ва мазкур прокуратура ҳайъати раиси этиб тасдиқланди”, - дейилади хабарда.
Аввалроқ Самарқанд вилояти прокуратурасига янги раҳбар тайинлангани ҳақида хабар бергандик.