Қўшимча функционаллар
-
Тунги кўриниш
Россиянинг Су-25 самолётлари Қирғизистондан Тожикистонга кўчирилди
Россиянинг Су-25СМ ҳужумкор самолётлари Қирғизистоннинг Кант авиабазасидан Тожикистонга кўчирилди, улар қўшма аксилтеррорчилик қўмондонлик-штаб машқларида қатнашади. Бу ҳақда ТАСС Россия марказий ҳарбий округи матбуот хизматига асосан хабар берди.
«Россиянинг Су-25СМ ҳужумкор самолётлари Қирғизистондаги Кант авиабазасидан Тожикистонга кўчирилди, улар икки давлат қуролли кучларининг бирлашган гуруҳ қўшинлари қўшма аксилтеррорчилик қўмондонлик-штаб машқларида иштирок этади. Самолётлар Душанбедан 30 километр масофада жойлашган Айни аэродромидаги авиация гуруҳи таркибини тўлдиради», - дейишган матбуот хизматида.
Таъкидланишича, экипажлар ер устидаги нишонлар, база лагерлари ва ноқонуний қуролли тузилмалар омборхоналарига ракета-бомба зарбалари бериш бўйича машқларни ўтказади.
Машқларда марказий ҳарбий округ ҳарбий бошқармаси тезкор гуруҳлари, 201-ҳарбий база бўлинмалари, ҳарбий округнинг алоҳида бирлашмалари ва ҳарбий қисмлари, Тожикистон мудофаа вазирлигининг махсус топшириқли десант ва механизациялашган пиёда бригадалари таркибидаги бўлинмалар иштирок этади.
Мавзуга оид
12:26
Роғун ГЭСдаги авария оқибатида 3 киши ҳалок бўлди
17:30 / 14.11.2024
Қирғизистон Иссиқкўлни сақлаб қолиш учун қўшниларга камроқ сув бериши мумкин
22:01 / 12.11.2024
Қирғизистонда ҳокимиятни эгаллашга тайёргарлик кўрган етти киши қўлга олинди
16:44 / 11.11.2024