Корея бош вазири ўринбосари Ўзбекистонга келади

Корея республикаси бош вазири ўринбосари ва таълим вазири Ли Чжун-Сик шу ҳафтада Ўзбекистонга келади. 

Жанубий Корея таълим вазирлигига кўра, Ли Чжун-Сик 27 мартдан Қозоғистон ва Ўзбекистонга сафарини бошлаган. 

Корея бош вазири ўринбосари Ўзбекистонда мамлакат расмий шахслари билан музокаралар ўтказади. Томонлар давлатлар ўртасида стратегик муносабатларни ривожлантириш масалаларини муҳокама қиладилар. 

Ташриф Ўзбекистон ва Жанубий Корея республикалари ўртасида дипломатик алоқалар ўрнатилганининг 25 йиллиги муносабати билан уюштирилмоқда.