Тошкентда фоҳишаларга нисбатан кураш кучаймоқда

Тошкент шаҳар Ички ишлар бош бошқармаси томонидан фоҳишахона сақлаш, қўшмачилик қилиш каби жиноятларнинг олдини олиш мақсадида олиб борилган “ОРИЯТ” тадбири давомида жами 30та ҳолат аниқланган. 

Тошкент ИИББда бўлиб ўтган матбуот брифингида маълум қилишларича, Жиноят кодексининг 131-моддаси, яъни фоҳишахона сақлаш ва қўшмачилик қилиш аломатлари билан жиноят ишлари қўзғатилган. Шунингдек, 7-13 апрель кунлари ўтказилган тадбирларда 69 нафар шахс фоҳишалик билан шуғулланиб келаётганлиги,  
84 нафар шахслар жамоат жойларида спиртли ичимлик истеъмол қилганлиги аниқланиб, барчасига нисбатан маъмурий таъсир чоралар кўрилди.

Хусусан, 13 апрель куни Яшнобод туманида 4 нафар фоҳиша аёл ва 7 нафар ҳинд миллатига мансуб хорижлик фуқаро фоҳишахонада ушланган. Айни вақтда ушбу иш юзасидан суриштирув ишлари олиб борилаяпти.

Муқаддам судланганлар, профилактик ҳисобда турувчилар ўртасида ҳам профилактик ишлар амалга оширилди.Жумладан, 674 нафар муқаддам судланган шахслар, 1046 нафар ички ишлар идораларининг профилактик ҳисобида турган шахслар билан суҳбатлар ўтказилди.