Бундеслиганинг YouTube’даги расмий каналида 2016/2017 йилги мавсумдаги дарвозабонларнинг 10 та энг яхши сейвлари тасвирланган видео эълон қилинди.
Мавсумнинг энг яхши учта сейви ичига «Ҳамбург» голкипери Кристиан Матенианинг 29-турда «Вердер» билан ўйиндаги (1:2), «Бавария» дарвозабони Мануэль Нойернинг Бундеслига 23-турида «Кёльн» билан беллашувдаги (3:0) хатти-ҳаракати кирди. Мавсумнинг энг яхши сейвини эса «Кёльн» дарвозабони Тимо Хорн 6-турда «Бавария» билан баҳсда (1:1) амалга оширди. У Мюнхен клуби ҳужумчиси Томас Мюллернинг яқин масофадан берган зарбасини қайтаришга муваффақ бўлган.
