Афғонистон шарқида бир кун ичида 22 жангари йўқ қилинди

Афғонистоннинг шарқидаги Нангарҳор вилоятида жойлашган Ачин уездида хавфсизлик кучлари томондан ўтказилган операция давомида бир кун ичида ИШИДни қўллаб-қувватловчи 22 жангари йўқ қилинди. Бу ҳақда вилоят ҳукумати матбуот котиби Оятуллоҳ Хўжайний маълум қилди, деб хабар бермоқда "Синьхуа" ахборот агентлиги. 

Маълумотларга кўра, йўқ қилинган жангарилар орасида 2 нафар дала қўмондони ҳам бўлган. Ҳукумат кучлари томондан йўқотишлар ҳақида маълумот келтирилмаган.
 
Мутахассисларнинг таъкидлашларича, охирги вақт Афғонистоннинг шимолий ва жанубий вилоятлари – Лоҳар, Нангарҳор, Гилмендда ҳамда шимолий вилоятлари – Қундуз, Жаузжон ва Парвонада жангарилар ўз позицияларини анча мустаҳкамлашгани кузатилмоқда. Борган сари "Толибон" ҳаракатининг кўпроқ жангарилари ва дала қўмондонлари ИШИДга содиқликка қасамёд келтирмоқда.