Тадқиқотчилар Кантор қамиш илони — Pseudorabdion longiceps’нинг ғайриоддий ҳаракатланиш усулини ўрганган. У олдинга кескин ташланиб, танасини ҳалқа шаклига келтиради ва юмалайди. Кейин бу ҳаракатни қайта-қайта такрорлаб, сакраб кетаётган ғилдиракни эслатади.
Шу тариқа илон сониясига қарийб 30 сантиметр масофани босиб ўта олади. Бу унинг одатий судралиб ҳаракатланиш тезлигидан тахминан тўрт баравар юқори.
Ғилдиракка ўхшаш ҳаракатни амалга ошириш учун илонга марказий ўқ керак эмас. У танасининг мувофиқлашган айланиш ҳаракатлари орқали юмалайди ва шу пайтда бошининг ҳолатини барқарор сақлайди.
Юқори тезликдаги видеотасвирлар олимларга ҳаракатни секинлаштириб кўриш ва ҳар бир юмалаш циклини алоҳида босқичларга ажратиб таҳлил қилиш имконини берган. Бу усул оддий кузатувда пайқаш қийин бўлган ҳаракатларнинг биомеханикасини батафсил ўрганишга ёрдам берган.
Тадқиқот натижалари Current Biology журналида эълон қилинган.
