Антониу Гутерриш Самарқандга ташрифини Ислом Каримов қабрини зиёрат қилишдан бошлади

БМТ бош котиби Антониу Гутерришнинг Ўзбекистонга ташрифи Ўзбекистон Республикасининг Биринчи Президенти Ислом Каримов қабрига гул қўйишдан бошланди.

Шундан сўнг, Бош котиб делегацияси Ислом Каримов кўчасидан ўтиб, Ўзбекистон Республикаси Президентининг Самарқанд шаҳридаги Халқ қабулхонасига кириб борди.

Антониу Гутерриш Самарқанд шаҳрининг “Юксалиш” маҳалласида маҳаллий фуқаролик жамияти вакиллари билан учрашди. Маҳалла вакиллари Ўзбекистондаги ўзига ҳос “маҳалла” институти ва унинг ижтимоий жараёнлардаги аҳамияти ҳақида батафсил сўзлаб беришди. Учрашувда маҳаллада истиқомат килаётган турли миллатлар вакиллари ҳам иштирок этишмоқда.