Тошкентда жамоат транспортини кузатиб боришга мўлжалланган яна бир илова ишга тушди 

Тошкентда жамоат транспортини кузатиб боришга мўлжалланган янги илова ишга тушди. «3ТМobile» ижтимоий лойиҳасини энди Google Play’дан юклаб олиш мумкин.
 
Янги илова автобуснинг бекатга етиб келиш вақти ҳақида хабар беради, маълумотни кенгайтирилган тартибда кўрсатиш функцияси бор. Фойдаланувчи энг оммабоп бекатларни «Танланганлар»га қўшиши ва шаҳарнинг бир нуқтасидан бошқасига бориш учун энг қулай йўналишни қидириши мумкин. «3ТМobile»нинг биринчи якуний версияси жорий йилнинг бошида чиққанди, бироқ илова эндигина иш режимида тақдим этилди.

Эслатиб ўтамиз, Ўзбекистонга шунга ўхшаш сервис бор - «Tashbus» иловаси. У автобусни аниқ бир бекатга келиш вақтини билиш имконини беради.