Аргентинада 7 киши кучли совуқ туфайли ҳаётдан кўз юмди

Аргентинада совуқ об-ҳаво туфайли камида етти киши ҳалок бўлди, деб хабар бермоқда РИА Новости маҳаллий ОАВга асосан.

Таъкидланишича, Неукен ҳамда Мисьонес вилоятларида икки киши совуқ уришидан ҳалок бўлган бўлса, Мар-дель-Плата, Рафаэла, Хунин-де-лос-Андес, Ла-Плата ва Кордоба шаҳарларида яна беш инсон қаттиқ совуқ ҳамда печлардан фойдаланиш чоғида ис газидан заҳарланиб, вафот этган.