Лондон метросида полиция пичоқ билан қуролланган шахсни қўлга олди

Лондонда полиция ходимлари пичоқ билан қуролланган эркак кишини қўлга олишди. Бу ҳақда маҳаллий полиция твиттерда хабар берди.

«Полициячилар Дэйв ва Чим эркак кишини қўлга олдилар, у метрода пичоқ билан юрган. Унинг маълум қилишича, пичоқ «ўзини ўзи ҳимоя қилиш» учун керак бўлган», - дейилади хабарда.

Хабар қилинишича, эркак киши қурол олиб юришда гумонланиб қўлга олинди.

Кеча Лондон метросида портлаш юз берганди. Шундан сўнг Буюк Британия бош вазири Тереза Мэй фавқулодда йиғилиш ўтказди, портлаш эса теракт сифатида баҳоланди.  Лондон метросидаги портлаш учун жавобгарликни ИШИД ўз зиммасига олди.