Ашхободдаги антиқа кўринишдаги аэропортдан Душанбедаги байроқ устунигача. The Guardian Марказий Осиёда мустақиллик йилларида барпо этилган 10та замонавий иншоотни саралади.
1. Ашхобод халқаро аэропорти
2016 йил фойдаланишга топширилган умумий қиймати 2,3 миллиард долларга тенг Ашхобод халқаро аэропорти мисоли учиб кетишга тайёр лочин кўринишидек барпо этилган. Аэропорт бир соатда 1600 нафар йўловчи хизмат кўрсатиш имкониятига эга.
2. Бахт уйи
Туркман юлдузи тасвирланган мазкур Бахт уйи Ашхобод шаҳрида қуриб битказилган. Бино 11 қаватдан иборат бўлиб, унда никоҳ маросимларини ўтказишга мўлжалланган.
3. Чойхона
Улкан қовун шаклидаги антиқа чойхона Тожикистоннинг Ҳисор шаҳрида жойлашган. Унинг баландлиги 43 метр бўлиб, бир вақтнинг ўзида 2000 нафар мижозга хизмат кўрсата олади.
4. Байроқ устуни
Тожикистон мустақиллигининг 20 йиллиги муносабати билан қад ростлаган улкан байроқ устуни бир неча йиллар давомида дунёдаги энг баланд байроқ устуни сифатида эътироф этилганди. Унинг қурилишига нақ 3,5 миллион доллар сарфланган.
5. Бетарафлик монументи
«Учбурчак» номи билан машҳур мазкур иншоот 1998 йил Туркманистон президенти Сапармурод Ниёзов ташаббуси билан барпо этилган. «Бетарафлик» монументи аслида Туркманистоннинг халқаро муносабатларда тутган ўрни ва мақомини рамзий маънода ифодалаб беради.
