Араб коалицияси Ар-Риёдга ракета учирилишига жавоб қайтармоқда
Саудия Арабистони бошчилигидаги араб коалицияси қўмондонлиги Ар-Риёдга қарата баллистик ракета учирилганидан сўнг Яманнинг барча ҳаво ҳамда сув портларини ёпиш ҳақидаги қарорга келди. Коалициянинг расмий баёноти SPA агентлиги томонидан эълон қилинган.
Коалициянинг маълум қилишича, Эрон Ямандаги исёнчи ҳусийларга 900 км. масофани учиб ўтиши мумкин бўлган баллистик ракеталарни контрабанда йўли орқали етказиб бергани аниқланган. Шу билан бирга, шу тарзда БМТ Хавфсизлик Кенгашининг исёнчиларга қурол етказиб бериш тақиқланган резолюцияси бузилаётгани кўрсатилган.
«Коалиция қўмондонлиги Яманнинг барча ер усти, ҳаво ва денгиз портларини вақтинчалик ёпиш ҳақидаги қарорга келди. Бу чоралар аҳолини инсонпарварлик юклари билан таъминлаш эътиборга олинган ҳолда кўрилади», - дейилади баёнотда.
Аввалроқ Саудия Арабистони ҳарбийлари Ар-Риёд яқинида баллистик ракетани уриб туширишгани хабар берилганди.
Мавзуга оид
15:56 / 08.10.2024
Туғуруқхоналардаги ўлимни қандай камайтириш мумкин? – Саудияда ишлаётган ўзбек шифокори билан суҳбат
14:30 / 01.10.2024
Ўзбекистон бош вазири ўринбосари Саудия инвестициялар вазири билан музокара ўтказди
19:43 / 29.09.2024
Саудия Арабистонида 2024 йилда қанча инсон қатл этилгани маълум бўлди
12:40 / 27.09.2024