Янги iPhone X’нинг асл таннархи маълум қилинди

TechInsights таҳлилий агентлиги мутахассислари iPhone X’нинг таркибий қисмлари қийматини ҳисоблаб чиқишди ҳамда энг янги гаджетнинг “ҳақиқий нархини” аниқлашди, деб хабар бермоқда MacRumors портали.

Экспертларнинг фикрича, рамкасиз дисплей 65 доллар туради, бу iPhone 8 экранидан қимматроқ. Купертинода (Кремний водийсидаги шаҳарлардан бири) пўлатдан қилинган рамкали корпусга 36 доллар сарфлашади, қурилма “ичи” эса Apple’га 247 шартли бирликка тушади. iPhone X’нинг якуний таннархи, таҳлилчиларнинг фикрича, 357 доллардан ошмаслиги керак.

Эслатиб ўтамиз, iPhone X 3 ноябрь куни сотувга чиқарилди. Янгиликнинг кичик модели АҚШ фуқароларига 999 доллардан сотилмоқда.