Фото: Казинформ
Қозоғистоннинг етакчиси авиаташувчиси «Эйр Астана» Ўзбекистонга йўналишлар жадвалини кенгайтирмоқда, деб хабар берди «Казинформ» халқаро янгиликлар агентлиги.
Қозоғистон авиакомпанияси расмий вакили Евгения Крутованинг сўзларига кўра, мавжуд бўлган Олмаота-Тошкент ҳамда Остона-Тошкент йўналишларидан ташқари, келаси йили Самарқанд-Олмаота, Бухоро-Олмаота, Бухоро-Остона мунтазам рейслари йўлга қўйилади.
Бундан ташқари, янги йўналиш Фарғона водийси бўйича ҳам очилади: айни дамда ушбу мақсад туфайли Наманган, Андижон ёки Фарғонадаги аэропортлардан бири аниқланмоқда – бу инфратузилма, аэропорт ҳамда сервиснинг ривожланиши даражаси бўйича амалга оширилмоқда, дея аниқлик киритган авиаташувчи вакили.
