Федерер Швейцарияда йил спортчиси бўлди

Фото: Reuters

Швейцариялик теннисчи Роджер Федерер ўз мамлакатида йил спортчиси деб топилди. Бу ҳақда Blick нашри хабар тарқатди.

Жаҳоннинг иккинчи рақамли ракеткаси ўз фаолиятида еттинчи марта Швейцариянинг энг яхши спортчиси деб топилмоқда. Жорий мавсумда Федерер 7 титуль соҳиби бўлди. Жумладан, Уимблдон ва Australian Open турнирларида ғалаба қозонди.

Федерернинг устози Северин Люти йил мураббийи сифатида тақдирланган.

Швейцарияда йилнинг энг яхши аёл спортчиси тоғ чанғиси спорти вакили Венди Холденер бўлди, у 2017 йилги жаҳон чемпионатида биринчи ўринни қўлга киритганди.

Футбол бўйича Швейцария терма жамоаси 2018 йилги жаҳон чемпионатига йўл олган ҳолда йилнинг энг яхши жамоаси бўлган.