Туркиянинг “Бужаспор” клуби ҳимоячиси Абдуллоҳ Баликув бразилиялик футболчи Роберто Карлоснинг бурчакдан дарвозага киритган машҳур голини такрорлай олди. Футболчи ушбу голни Туркия кубогининг 1/16 финалида “Сивасспор” дарвозасига киритди.
Баликув ушбу голни учрашувнинг 3-дақиқасидаёқ киритган. У чап қанотдан ҳужумга қўшилиб, рақиб дарвозаси томон бехато зарба йўллай олган.
Роберто Карлос ўзининг машҳур голини Мадриднинг “Реал” клуби сафида деярли 0 градусли бурчакдан “Тенерифе” дарвозасига киритганди.
