Миржалол Қосимов «Алания афсоналари» ўйинида иштирок этиб, гол урди

Шимолий Осетия маркази Владикавказ шаҳрида, Осетия терма жамоаси билан «Алания» клубининг 1995 йилги чемпион таркиби ўртасида ўртоқлик ўйини ўтказилди.

«Спартак» стадионида ўтган қизиқарли баҳсни 12 минг томошабин кузатиб борди ва у 5:5 ҳисобида якунланди. 

Осетия терма жамоаси таркибида Россия Премьер-Лигаси ва Миллий футбол лигасида иштирок этувчи футболчилар - Алан Дзагоев, Сослан Жанаев, ака-ука Габуловлар, Алан Касаев, Руслан Камболов ва бошқалар ўйнади. 

«Алания афсоналари» таркибида ҳамюртимиз, «Бунёдкор» бош мураббийи Миржалол Қосимов ҳам иштирок этиб, ўйинда ҳисобни очишга муваффақ бўлди.

Ўртоқлик ўйини 
Осетия терма жамоаси - Алания афсоналари - 5:5 
Голлар: Георгий Габулов (2), Спартак Гогниев (2), Алан Засеев - Миражол Қосимов, Анатолий Канишчев, Георгия Базаев, Виталия Чочиев, Сослан Таказов