Хитой - Қирғизистон - Ўзбекистон йўли қурилиши декабрь охирида муҳокама қилинади

Фото: 24.kg

Қирғизистон Республикаси президенти Сооронбой Жээнбеков Транспорт ва йўл вазири Жамшитбек Калиловни қабул қилди. Бу ҳақда, ҚР президенти аппаратининг ахборот сиёсати бўлими хабар бермоқда.

Учрашувда давлат раҳбарига, қўшни мамлакатлар билан автомобиль, темир-йўл ва авиақатнов транспорти соҳасидаги ҳамкорлик масалалари, йўл-транспорт соҳасидаги ислоҳотлар, йўл ва транспорт инфратузилмасини яхшилаш бўйича амалга оширилаётган лойиҳалар ҳақида ахборот берилди.

Жамшитбек Калилов маълумотига кўра, Хитой - Қирғизистон - Ўзбекистон темир йўли қурилиши бўйича, мутахассислар 25 декабрь куни Тошкентга йўл олади. 27 декабрь куни эса вазирлар даражасида учтомонлама музокара ўтказилади.

Сооронбой Жээнбеков қурилиш ишларининг тезроқ бошланиши, Марказий Осиёни ҳудуднинг самарали транзит йўлаги сифатидаги жозибасини ошириш имкониятини беради, деб таъкидлади.

#темир йўл #Сооронбой Жээнбеков

Қирғизистон президенти Алмазбек Атамбоев рафиқаси билан Тошкентга келди. Ташриф доирасида Ўзбекистон ва Қирғизистон ўртасида 10дан ортиқ ҳужжат имзоланди.