Офшорларнинг «қора рўйхати»дан 8 давлат чиқарилиши мумкин

Фото: Reuters

Евроиттифоқда офшорларнинг «қора рўйхати»дан саккиз давлатни чиқариб ташлаш таклифи илгари сурилди, деб хабар бермоқда Reuters.

Агентлик маълумотига кўра, рўйхатдан Панама, БАА, Жанубий Корея, Барбадос, Гренада, Макао, Мўғулистон ва Тунис чиқариб ташланиши мумкин. Шунингдек, Баҳрайнни чиқариш масаласи ҳам кўриб чиқилган, бироқ якунда бу мамлакатни «солиққа тортмайдиган» давлатлар рўйхатида қолдириш ҳақида тавсия берилган.

Таъкидланишича, рўйхатни қайта кўриб чиқиш ЕИ элчиларининг чоршанба, 16 январь кунги учрашувида муҳокама қилинади ҳамда Евроиттифоқ молия вазирлари томонидан кейинроқ тасдиқланиши мумкин.