Фото: Fotolia
2018 йилнинг 26 январь куни Ўзбекистон Республикаси ташқи ишлар вазири ўринбосари Саидикрам Ниязхўжаев бошчилигидаги делегация Тожикистоннинг Душанбе шаҳрида бўлиб ўтган «Марказий Осиё + Япония» мулоқотининг юқори мансабдор шахслари 12-йиғилишида иштирок этди. Бу ҳақда ТИВ ахборот хизмати хабар берди.
Тадбирда мазкур шакл доирасида транспорт ва логистика, туризм соҳасида ҳамкорлик қилиш масалалари муҳокама қилинди.
Минтақавий хавфсизликни таъминлашдаги алоқалар юзасидан фикр алмашилди, шунингдек, «Марказий Осиё + Япония» мулоқоти доирасида ҳамкорликни ривожлантириш бўйича кейинги амалий чоралар кўриб чиқилди.
