Экспертлар янги моделдаги iPhone қачон чиқарилиши мумкинлигини айтишди

Экспертлар янги моделдаги iPhone смартфонларининг тахминий чиқарилиш муддати бўйича маълумот беришди. Таҳлилчиларнинг фикрича, кейинги iPhone X флагмани 2020 йилдан аввал пайдо бўлмайди. 

Мутахассислар KGI Securities компанияси таҳлилчиси Минг-Чи Куо баёнотларига асосан шундай тахминни илгари суришди. Куонинг фикрича, iPhone X’ни ишлаб чиқарилиши 2018 йил ўрталарида тўхтайди. Мутахассиснинг сўзларига кўра, бу вақтга келиб етказиб бериш бўйича умумий ҳажм 62 миллионтага етади. Шунга қарамай, смартфон 2019 йилда ҳам талабгир бўлади.

Экспертларнинг тахминича, iPhone X смартфонларнинг янги даврига қадам қўйиш учун ўзига хос технологик поғона саналиб, у 2020 йилда бошланиши мумкин. Бу вақтга қадар Apple компанияси мутахассислари ҳозирги девайсларнинг модификацияси билан шуғулланишади. Хусусан, фақат корпус ранги, хотира ҳажми ва смартфон иш даражаси учун қўлланилувчи «темир» ўзгартирилади.