Индонезияда вулқон отилиши сабабли энг юқори хавфлилик даражаси эълон қилинди 

Индонезиянинг Суматра оролида Синабург вулқони лава ота бошлади. Шу сабабли ҳукумат энг юқори хавфлилик даражасини эълон қилди. Бу ҳақда 20 февралда The Guardian нашри хабар берди.   

Вулқон отган кул устуни баландлиги 7 км дан кўпроқни ташкил қилган. Вулқон тунги вақтда отила бошлаган ва ундан чиқаётган ёрқин нур яқин атрофдаги аҳоли пунктларини ёриштириб юборган. 

Маҳаллий ҳукумат Ачех вилоятидаги Кутакане аэропортини ёпиб қўйган. Вулқон кратери атрофида 7 км радиусда хавфлилик ҳудуди ташкил этилган.

Вулқон 19 февралда бир нечта зилзила ва яқин атрофдаги қишлоқларга қоя бўлаклари ёғилиши билан бошланган.