«Давлатнинг ҳозирги ҳолати даҳшатли» - Кучма
Украина собиқ президенти Леонид Кучманинг маълум қилишича, Украина ҳеч қачон тўлақонли давлат бўлмаган, у давлатнинг ҳозирги ҳолатини даҳшатли, деб атади. Бу ҳақда «Украина.ру» ёзмоқда.
«Украина ҳеч қачон тўлақонли давлат бўлмаган, украиналикларнинг бугунги ҳолати эса даҳшатли. Ички маҳсулотнинг 75 фоизи – бизнинг қарзларимиз. Бу даҳшатли. Уларга ким пул тўлайди? Ҳозир Халқаро валюта жамғармаси бермаса, дефолтни эълон қилиш керак бўладими?» - дея айтиб ўтди Кучма.
Унинг сўзларига кўра, давлатнинг ҳозирги аҳволига Олий рада депутатлари айбдор. Шунингдек, у аҳоли ҳаёти даражаси ва миллий иқтисодиёт ҳолатидан кўра, сайловлар ҳақида кўпроқ гапиришаётганига эътибор қаратди.
«Биз Мюнхен конференциясини катта умид билан кутгандик. Бироқ Украина у ерда энг пастки ўринда турди. Гўёки биз у ерда йўқдекмиз. Агарда у ерга президент бориб, биз Европа харитасида эканимизни эслатмаганида, ёддан ҳам чиқариб юборишган бўларди. Мана шу қўрқинчли. Бунинг устида бош қотириш керак», - дея қўшимча қилиб ўтди Кучма.
Мавзуга оид
13:50
Украина тунда Россиянинг 68 та дронидан 31 тасини уриб туширди
21:00 / 12.10.2024
Украинадаги урушда қатнашган ўзбекистонлик устидан Россияда суд бошланди
19:32 / 12.10.2024
«Украина Ғарб сиёсатида энди биринчи эмас» — ОАВ
00:49 / 12.10.2024