Хитой, Қирғизистон ва Ўзбекистон автомобиль транспортида юк ташиш халқаро йўналишларини расман ишга туширмоқда

Фото: kabar.kg

Хитой, Қирғизистон ва Ўзбекистон давлатлар ўртасида автомобилда юк ташувлари бўйича жараённи жадаллаштиради. Режага кўра, тегишли йўналишлар шу ойда йўлга қўйилади. Бу ҳақда Хитой Халқ Республикаси Ташқи ишлар вазирлиги расмий вакили Гэнг Шуан 23 февраль куни бўлиб ўтган матбуот анжуманида маълум қилди.

Гэн Шуаннинг таъкидлашича, 2017 йил 30 октябрь - 1 ноябрь кунларида давлатлар Тошкент-Андижон-Ўш-Иркештам-Қошғар халқаро йўналиши бўйлаб юкларни ташиш бўйича синов жараёнини ўтказди ва ижобий натижаларни қўлга киритди.

Шу асосда Хитой, Қирғизистон ва Ўзбекистон тегишли ишларнинг ривожини жадаллаштирмоқда ҳамда шу ойдаёқ юкларни ташиш бўйича йўналишларни йўлга қўйишни режалаштирмоқда, дея хабар беради «Жэньминь жибао».