Наманганда ҳожатхонага ташланган чақалоқ қутқариб қолинди

Фото: Dreamstime

Наманган вилоятининг Норин туманида чақалоқ қутқариб қолинди, деб хабар бермоқда ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, Норин туманида 5 март куни соат 14.00ларда “Тошлоқ гранд” фермер хўжалиги боғида ёлланиб ишлаётган Учқўрғон тумани Шаҳрихончек маҳалласида яшовчи, 1996 йилда туғилган Б.Х.ни тўлғоқ тутиб қолиши оқибатида, боғдаги ҳожатхонада қиз бола чақалоқни туғиб, уни қасддан ўлдириш мақсадида, ҳожатхонага ташлаб юборган.

Чақалоқ йиғисини эшитган шу боғ ишчиси А.Тўлашев чақалоқни қутқариб қолган. Чақалоқ туман марказий туғруқхонасига ётқизилган.

Эслатиб ўтамиз, аввалроқ Наманган шаҳридаги чиқиндихона олдидан чақалоқ жасади топилгани хабар берилганди.

#Наманган #чақалоқ