Таиландда суд биносидаги кузатув камералари гиёҳвандфурушликда гумонланган судланувчининг бинодан қочиб кетишини тасвирга олди. Воқеа 8 март куни юз берган.
Полициячилар Яо Лай исмли 32 ёшли судланувчини яна бир нечта судланувчи билан навбатдаги йиғилишга олиб келишган. Гумонланувчи қулай пайтдан фойдаланиб, оёғидаги кишанлардан озод бўлиб, эшик очиқлигидан фойдаланиб, қочиб кетишга муваффақ бўлган.
Судланувчи бир неча кварталдан кейин мотоцикл ўғирлаб, унда номаълум йўналишда ғойиб бўлган. Айни вақтда полицияга унинг қаердалиги маълум эмас.
Бу ҳам етмагандек, судланувчи қочиб кетган вақтда бошқа бир судланувчи ҳам вазиятдан фойдаланиб қолишга қарор қилган. Маҳаллий ОАВнинг полицияга иқтибос келтирган ҳолда хабар беришича, иккинчи қочоқ ушланган, бироқ бунинг расмий тасдиғи йўқ.
