Россияда «Кинжал» гипертовушли ракета синовдан ўтказилди

Россия ҳаво-космик кучларининг МиГ-31 қирувчиси “Кинжал” юқори аниқликдаги авиация ракета комплекси гипертовушли ракетасини синов тарзида учирди. Самолёт Жанубий ҳарбий округдаги аэродромдан учган, деб хабар берди РФ Мудофаа вазирлиги «ВКонтакте»да. Маҳкама видеони ҳам жойлаштирган.

Таъкидланишича, синов муваффақиятли ўтди – ракета полигондаги белгиланган объектни аниқ нишонга олган. Синов давомида «Кинжал»нинг тактик-техник жиҳатлари ва вақт кўрсаткичлари тасдиқланди.

Россия президенти Владимир Путин янги гипертовушли ракеталар армияга топширилгани ҳақида 1 март куни, Федерал йиғилишга мурожаати вақтида хабар берди. Унинг таъкидлашича, комплекслар дунёдаги биронта ҳам шундай мажмуага ўхшамайди.

Модернизация қилинган тутиб олувчи қирувчилар жиҳозланадиган гипертовушли "Кинжал" тизими ракеталари эҳтимолий душманнинг авиаташувчилари, эсминецлари ва крейсерларига зарба бериши мумкин.