Навоий шаҳрида ёнғин юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Қайд этилишича, 2 апрель куни соат 09.55да, Навоий кўчасида жойлашган ҳозирда таъмирлаш ишлари олиб борилаётганлиги сабабли иш фаолияти вақтинча тўхтатилган “Қизилқумцемент” АЖ корхонасида ёнғин содир бўлган.
Кўрилган чоралар натижасида ёнғин ўчирилган. Ёнғин оқибатида корхонадаги совитиш иншоотининг ички қисми ёниб зарар кўрган, ҳамда шу корхона ишчилари, 1967 йилда туғилган Ш.П. ва 1960 йилда туғилган С.И. куйиш жароҳатлари билан касалхонага ётқизилган. Суриштирув ишлари олиб борилмоқда.
