Путин: АҚШ қочқинларнинг янги тўлқини пайдо бўлишига туртки беряпти

Фото: РИА Новости / Михаил Климентьев

Россия президенти Владимир Путиннинг маълум қилишича, АҚШнинг Сурия ҳудудига зарбалари мамлакатда гуманитар фалокатни чуқурлаштиради ва қочқинларнинг янги тўлқинига туртки беради.

«АҚШ ўз ҳаракатлари билан Суриядаги гуманитар фалокатни янада чуқурлаштирмоқда, тинч аҳолининг азоб-уқубатини орттирмоқда, етти йилдан бери Сурия халқини қийнаб келаётган террорчиларга ёрдам бермоқда, бу давлат ва минтақадан қочқинларнинг янги тўлқинига туртки бермоқда», - дея айтиб ўтди Путин.

Эслатиб ўтамиз, аввалроқ Россия президенти Владимир Путин АҚШ ўз иттифоқчилари билан Суриядаги ҳарбий ва фуқаролик объектларига БМТ Хавфсизлик Кенгаши санкциясисиз авиазарбалар бериб, БМТ низоми ва халқаро ҳуқуқ нормаларини бузгани ҳақида маълум қилганди.

Бундан ташқари, унинг маълум қилишича, Россия БМТ Хавфсизлик Кенгашининг фавқулодда йиғилишини чақирмоқда.

Тайёрлаган: Отабек Матназаров

#АҚШ #Сурия #Владимир Путин

АҚШ президенти Дональд Трамп 14 апрель куни Сурияга нисбатан ракета ҳужуми бошланганини билдирди. АҚШ ва унинг иттифоқчилари Сурияда кимёвий қуроллар ишлатилишига жавобан Асад ҳукуматига қарши ҳарбий амалиёт ўтказмоқда.