Viber мессенжери Роскомнадзорнинг Telegram’ни блоклаш билан боғлиқ ҳаракатлари сабабли беқарор ишлаётганидан фойдаланувчиларни огоҳлантирди. Бу ҳақдаги хабар 24 апрелда тарқатилган.
Viber маъмурияти мессенжернинг ишлашини тўлиқ тиклашга уринмоқда. Бироқ хизмат қачон тўлиқ ишлашига аниқлик киритилмаган.
“Сизлардан баъзилар Viber’да қўнғироқ қилиш ёки фото жўнатишда қийинчиликларга учраган бўлишингиз мумкин. Юзага келган вазият регуляторнинг (Роскомнадзор) мамлакатдаги миллионлаб интернет-серверларни блоклаш ёрдамида бошқа мессенжерни блоклаши натижаси ҳисобланади. Бу эса Viber ва бошқа сервисларга таъсир кўрсатган”, дейилган Viber хабарида.
Viber билан ишлашда муаммолар ҳақида биринчи марта 16 апрелда маълум бўлган. Шу куни Россияда Telegram’га кириш блоклана бошлаган. Бу Viber қўллайдиган Amazon булутли хизматига киришга Роскомнадзорнинг чеклови билан боғланган.
Viber оммавийлиги бўйича WhatsApp’дан кейин Россияда 2-ўринда туради ва 20 млн фойдаланувчини қамраб олган.
