Арманистон ҳукмрон партияси мухолифат номзодини қўллаб-қувватлашини маълум қилди

Фото: Sergei Grits/AP

Арманистоннинг ҳукмрон Республика партияси бош вазир лавозимига ўз номзодини илгари сурмайди ва мухолифат номзодини қўллаб-қувватлайди.

Маълум қилинишича, партия 8 май куни бош вазир сайловларида парламентнинг учдан бир қисми таклиф қиладиган номзодни қўллаб-қувватлайди.

“Депутатларнинг учдан бир қисми ўз номзодини илгари сурсин, биз бу номзодни қўллаб-қувватлаймиз”, деб айтган партиянинг парламентдаги фракцияси етакчиси Ваграм Багдасарян.

Багдасарян, шунингдек, намойишчилардан Еревандаги ва республикадаги йўлларни, темир йўллар ва метрони бошқа блокламасликка ва конституцион майдонга қайтишга чорлаган.