Украиналик адмирал Керчь бўғози блокадасига тайёр туришга чақирди

Украиналик захирадаги адмирал Игорь Кабаненконинг маълум қилишича, мамлакат ҳукумати Керчь бўғози Россия томонидан блокада қилиниши ва кемаларга конвой билан ҳамроҳлик қилишга тайёр туриши лозим. Бу ҳақда у «Обозреватель»га берган интервьюсида айтиб ўтди.

Унинг сўзларига кўра, Давлат чегара хизматининг ҳарбий денгизчилари ва денгиз қисмлари «турли салбий сценарийларга тайёргарлик кўриши лозим». Бунда Мариуполь ва Бердянскка бўлган йўналишда Керчь бўғози ҳаттоки тўсиб қўйилиши эҳтимоли ҳам бор. Унинг қўшимча қилишича, фуқаролик кемаларига ҳарбий кемаларнинг ҳамроҳлик қилишини назарда тутувчи конвой хизматини ташкил этиш керак.

«Умуман олганда, ҳозир рўй бераётган ҳолат Украина денгиз иқтисодий зонасида кузатиляпти, бизнинг сувларда – бу денгизда турли қиррали таҳдидлар ошиб бораётгани туфайли. Афсуски, денгиздаги инқироз ривожланишда давом этяпти», - деди Кабаненко.

Эслатиб ўтамиз, аввалроқ Порошенко Донбассда бирлашган кучлар амалиёти бошланганини эълон қилганди.