Кийимлар орасига яширилган қарийб 12 минг доллар ошкор бўлди
Божхона чегараси орқали ҳаракатланаётган фуқароларга амалдаги божхона қоидаларига риоя қилиш, ўзлари билан олиб ўтаётган товар ва нақд хорижий валюталарни тўғри декларациялашлари учун божхона постларида ахборот ҳудудлари ташкил этилган бўлиб, ахборот пештахталари барча учун қулай ва кўринарли жойларга жойлаштирилган. Аммо, божхона қоидаларига риоя қилмасликнинг оқибати фуқаро А.Б.га қимматга тушди.
“Фарғона” чегара божхона пости ходимлари қўшни давлатга йўл олган ушбу фуқарони божхона назоратидан ўтказиш вақтида у ўз ёнида яширилган ашёлар йўқлигини маълум қилгандан сўнг холислар иштирокида шахсий кўрикдан ўтказилди.
Натижада, А.Б. эгнидаги ички кийими ичига жами 11 886 АҚШ долларини яшириб, ноқонуний равишда республика ҳудудидан олиб чиқиб кетмоқчи бўлганлиги ошкор бўлди. Бу ҳақда Давлат божхона қўмитаси ахборот хизмати хабар бермоқда.
Ҳозирда ушбу ҳолат юзасидан текширув ҳаракатлари олиб борилмоқда.
Мавзуга оид
18:08 / 01.10.2024
Божхона постида Ўзбекистонга олиб кирилаётган пневматик қуроллар ва 2,7 минг дона ўқлар тўхтатиб қолинди
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:33 / 29.08.2024
Москва аэропортида радиоактив ҳайкалчани олиб ўтмоқчи бўлган ўзбекистонлик тўхтатилди
18:13 / 22.08.2024