Кремль парад пайтида Путинга яқинлашмоқчи бўлган фахрийни тансоқчилар силтаб ташлаганига изоҳ берди

Россия президенти матбуот котиби Дмитрий Песков ҳарбий парад вақтида рўй берган ҳодисага изоҳ берди, ўшанда қўриқлаш хизмати ходимлари давлат раҳбари Владимир Путинга яқинлашмоқчи бўлган фахрийни силтаб ташлашганди.

«Бу, албатта, атайин қилинмади. Президент бундан кейин шундай вазиятларда истисно қилиниши лозимлигига эътибор қаратди», - дея Песковнинг сўзларини келтиради «Говорит Москва» радиостанцияси.

Путиннинг ўзи ҳам бу ҳодисага эътибор қаратди ва кекса эркакнинг ёнига келиб, унинг қўлини сиққан ҳамда Александровский боғидаги Номаълум аскар қабрига ўзи билан бирга боришга таклиф қилган.