CNN Трамп ва Ким Чен Иннинг учрашув жойини маълум қилди

Фото: REUTERS/KCNA

АҚШ президенти Дональд Трамп ва КХДР етакчиси Ким Чен Ин Сингапурда учрашиши мумкин. Бу ҳақда CNN телеканали вазиятдан хабардор икки манбага асосан хабар тарқатди.

Телеканал маълумотларига кўра, президент маъмурияти ходимларига Трамп ва Ким Чен Иннинг Сингапурдаги учрашуви режасини ишлаб чиқиш ҳақида кўрсатма берилган. Таъкидланишича, учрашув жойи ҳақидаги якуний қарорни Трамп қабул қилиши керак.

Аввалроқ, Дональд Трамп Ким Чен Ин билан учрашув жойини уч кундан сўнг маълум қилиши ҳақида айтганди.

«Биз бу учрашув жойини уч кун давомида эълон қиламиз», - деган Трамп.

Эслатиб ўтамиз, бундан аввал Жанубий Корея президенти Мун Чжэ Ин Корея ярим оролида тинчликка эришиш учун мажбурий шартни айтганди.