Саудия Арабистони ўз ядро бомбасини яратиши мумкинлигини тасдиқлади

Фото: Getty Images

Саудия Арабистони ташқи ишлар вазири Одил Ал-Жубайрнинг айтишича, агар Эрон ядровий келишувдан чиқиб кетса, унинг мамлакати ўз ядровий қуролини яратиш бўйича ишларни бошлайди. Бу ҳақда CNN телеканали маълум қилди.

Ал-Жубайр Саудия Арабистони Эрон зарбасидан ҳимояланиш учун ядровий бомба яратишга тайёрлигини тасдиқлаган.

Саудия Арабистонининг бу баёноти АҚШ президенти Дональд Трамп АҚШ Эрон билан ядровий келишувдан чиқишини эълон қилгандан кейин берилган.

Саудия Арабистони ядровий қуролнинг тарқатилишига қарши чекловларни қабул қилишдан бош тортмоқда. Ҳозирда АҚШ Саудия Арабистонига ядровий реакторлар етказиб беради.