Оқ уй «ўлаётган» Маккейннинг устидан кулган маслаҳатчи ишдан бўшатилмаслигини билдирди

Фото: REUTERS/MIKE THEILER

Оқ уй расмий вакили Сара Сандерснинг маълум қилишича, АҚШ президенти Дональд Трампнинг маслаҳатчиси, «ўлаётган» сенатор Жон Маккейн ҳақида ҳазил қилган Кэлли Сэдлер ишдан бўшатилмаган. Бу ҳақда CBS News хабар бермоқда.

«Мен Оқ уй ходимларининг ички йиғилишига изоҳ бермайман», - деди Сандерс. Бироқ, унинг таъкидлашича, Сэдлер президентлик маъмуриятида ишлашда давом этмоқда.

Эслатиб ўтамиз, аввалроқ АҚШ президенти Дональд Трампнинг маслаҳатчиси Кэлли Сэдлер «ўлаётган» сенатор Жон Маккейн ҳақида ҳазил қилгани ва кўпчиликнинг ғазабини келтириб чиқаргани хабар берилганди.